Neyðarstig Almannavarna vegna eldgoss á Reykjanesskaganum.
Ríkislögreglustjóri hefur í samráði við lögreglustjórann á Suðurnesjum ákveðið að fara á neyðarstig vegna eldgoss við Sundhnúkagígaröð. Eldgos hófst fyrir stuttu rétt fyrir ofan varnargarðinn við Grindavík. Samhæfingarstöð Almannavarna var virkjuð á áttunda tímanum í morgun þegar ljóst var að kvikuhlaup var hafið. Þyrla Landhelgisgæslunnar er farin í loftið.
Samhæfingarstöð Almannavarna virkjuð. Kvikuhlaup hafið á Reykjanesskaganum.
Samhæfingarstöð Almannavarna var virkjuð á áttunda tímanum í morgun þegar ljóst var að kvikuhlaup var hafið á Reykjanesskaganum. Á þessari stundu er ekki hafið eldgos en þyrla Landhelgisgæslunnar er tilbúin að fara í loftið. Samkvæmt vef Veðurstofunnar hófst áköf jarðskjálftahrina kl. 6.30 í morgun á Sundhnúksgígaröðinni. Skjálftahrinan er staðsett á milli Sýlingarfells og Stóra-Skógfells. Skjálftavirknin […]